தூத்துக்குடி மாநகராட்சிக்கு உட்பட்ட 39-வது வார்டு பத்ரகாளியம்மன் கோவில் தெரு பகுதியில் நடைபெற்று வரும் டெங்கு தடுப்பு பணிகள், கழிவுநீர் அகற்றும் பணிகள் மற்றும் திடக்கழிவு மேலாண்மை திட்டப் பணிகளை மாவட்ட ஆட்சியர் விஷூ மகாஜன், இ.ஆ.ப., இன்று நேரில் பார்வையிட்டு ஆய்வு மேற்கொண்டார்.
மாநகராட்சி சார்பில் அப்பகுதியில் மேற்கொள்ளப்பட்டு வரும் தூய்மை பணிகள், சாலைகள் மற்றும் குடியிருப்பு பகுதிகளில் தேங்கியுள்ள கழிவுநீரை அகற்றும் பணிகள், குப்பைகளை முறையாக சேகரித்து அகற்றுதல் உள்ளிட்ட பணிகளையும் மாவட்ட ஆட்சியர் ஆய்வு செய்தார்.
மேலும், டெங்கு உள்ளிட்ட கொசுக்களால் பரவும் நோய்களைத் தடுக்கும் வகையில் மேற்கொள்ளப்பட்டு வரும் தடுப்பு நடவடிக்கைகள் குறித்தும் அவர் அதிகாரிகளிடம் கேட்டறிந்தார். குடியிருப்பு பகுதிகளில் தண்ணீர் தேங்காமல் உரிய நடவடிக்கை மேற்கொள்வதுடன், பொதுமக்களுக்கு சுகாதார விழிப்புணர்வு ஏற்படுத்தவும் அறிவுறுத்தினார்.
தூய்மை பணியாளர்கள் மேற்கொண்டு வரும் பணிகளை பார்வையிட்ட மாவட்ட ஆட்சியர், பணிகள் முறையாகவும் தொடர்ந்து நடைபெறுவதையும் உறுதி செய்யுமாறு சம்பந்தப்பட்ட அலுவலர்களுக்கு அறிவுறுத்தினார்.
